(039 – இறைமாட்சி) – திருக்குறள்

👉 திருக்குறள் யோக விளக்கவுரை – (குரு சிவயோகி) 👈

📖 திருக்குறள் 📖 (Thirukural)

📖 039 இறைமாட்சி 📖 (Iraimatchi)

📖 (குறள் – 0381) 📖

📖 படைகுடி கூழ்அமைச்சு நட்பரண் ஆறும்

📖 உடையான் அரசருள் ஏறு.

🌻 போர்ப்படை, குடிமக்கள், உணவு, ஆலோசனை தரும் அமைச்சர்கள், நட்பு, அரண்மனை ஆகிய ஆறும்

🌻 பெற்றவரே அரசருள் சிறந்தவர்.

📖 (குறள் – 0382) 📖

📖 அஞ்சாமை ஈகை அறிவூக்கம் இந்நான்கும்

📖 எஞ்சாமை வேந்தர்க் கியல்பு.

🌻 அச்சம் கொல்லாமை, அடுத்தவருக்கு உதவுதல், அறிவுடன் இருத்தல், ஆர்வமுடன் செயல்படுதல் ஆகிய நான்கும்

🌻 குறைவின்றி இருப்பதே அரசருக்கு இயல்பு.

📖 (குறள் – 0383) 📖

📖 தூங்காமை கல்வி துணிவுடைமை இம்மூன்றும்

📖 நீங்கா நிலனான் பவர்க்கு.

🌻 சோர்வு இல்லாது இருத்தல், கல்வி, துணிவுடன் செயல்படுதல் ஆகிய மூன்றும்

🌻 நீங்காமல் இருக்க வேண்டும் நலத்தை ஆள்பவருக்கு.

📖 (குறள் – 0384) 📖

📖 அறனிழுக்கா தல்லவை நீக்கி மறனிழுக்கா

📖 மானம் உடைய தரசு.

🌻 அறத்திற்கு இழுக்கு இல்லாமல் அல்லாதவற்றை விளக்கி வீரத்திற்கு இழக்கு இல்லாமல்

🌻 மானத்தோடு இருப்பதே அரசு.

📖 (குறள் – 0385) 📖

📖 இயற்றலும் ஈட்டலுங் காத்தலும் காத்த

📖 வகுத்தலும் வல்ல தரசு.

🌻 எது எப்படி அமையவேண்டும் என்று இயற்றுவதும் அதற்கான பொருளை ஈட்டுவதும் அதை காப்பதும்

🌻 மேலும் அதன் செயல்களை ஒழுங்குபட வகுப்பதும் சிறப்பாக செய்வது அரசு.

📖 (குறள் – 0386) 📖

📖 காட்சிக் கெளியன் கடுஞ்சொல்லன் அல்லனேல்

📖 மீக்கூறும் மன்னன் நிலம்.

🌻 பார்க்க எளிமையாய் எரிச்சல் ஊட்டும் வார்த்தைகள் தவிர்த்தவராய் இருக்கும்

🌻 மன்னனின் ஆட்சி எல்லை விரிவடையும்.

📖 (குறள் – 0387) 📖

📖 இன்சொலால் ஈத்தளிக்க வல்லார்க்குத் தன்சொலால்

📖 தான்கண் டனைத்திவ் வுலகு.

🌻 இனிமையான வார்த்தைகளுடன் உதவ வல்லமை படைத்தவருக்கு

🌻 தனது வார்த்தைகள் படியே அமையும் உலகு.

📖 (குறள் – 0388) 📖

📖 முறைசெய்து காப்பாற்றும் மன்னவன் மக்கட்கு

📖 இறையென்று வைக்கப் படும்.

🌻 இது இப்படி இருக்க வேண்டும் என்று முறை செய்து அதை காப்பாற்றும் மன்னவன் மனிதர்களுக்கு

🌻இறையாக வைக்கப்படும்.

📖 (குறள் – 0389) 📖

📖 செவிகைப்பச் சொற்பொறுக்கும் பண்புடை வேந்தன்

📖 கவிகைக்கீழ்த் தங்கும் உலகு.

🌻 காதுகளும் கூசும் வார்த்தைகளை பொறுத்துக் கொள்ளும் பண்புடைய மன்னனின்

🌻 ஆளுமையின் கிழ் தங்கும் உலகு.

📖 (குறள் – 0390) 📖

📖 கொடையளி செங்கோல் குடியோம்பல் நான்கும்

📖 உடையானாம் வேந்தர்க் கொளி.

🌻 தானம் செய்தல், (இலவசமாக கொடுத்தல் – விலை இல்லாத பொருள்கள் கொடுத்தல்) அடுத்தவர் கருத்துக்கு வாய்ப்பு அளித்தால், சிறந்த அரசாட்சி, மக்களை காத்தல் இந்த நான்கும்

🌻 உடையவரே ஆட்சியாளர்களில் வெளிச்சமானவர்கள்.