தொலையாத நிதி, மாறாத செயல், துன்பமில்லா வாழ்க்கை

தொலையாத நிதி, மாறாத செயல், துன்பமில்லா வாழ்க்கை

ஒன்றிலிருந்து ஒன்று மாற்றிக்கொள்ள நிதி உதவுகிறது
எல்லாவற்றிற்கும் பொதுவாகவும், நீதி செய்யவல்லதாகவும், பணமாகவும் உள்ளதால் அது நிதி எனப்படுகிறது
எந்த தொழிலை தெரிந்து வைத்திருந்தாலும் அது தொலையாத நிதி, தொலையாத நிதியே செல்வம்
முதல் செல்வம் கல்வியே இங்கு நிதியாக மாறுகிறது, முதல் செல்வமான கல்வியோடு மற்ற செல்வங்கள் சம்பந்தப்பட்டே இருக்கிறது
எந்த வேலையை செய்தாலும் அதனை சிறப்பாக செய்ய வேண்டும்
கைத்தொழில் ஒன்றினை கற்றுக் கொள், கவலை உனக்கு இல்லை ஒத்துக் கொள், எத்தொழில் எதுவும் தெரியாமல், இருந்திடல் உனக்கே சரியாமோ?
எந்த தொழிலையும் நிதிக்காகவே செய்கிறோம், எதை செய்ய முடியாதோ அதற்காக நிதியை செலவு செய்கிறோம்
நிதிக்காக தொழிலை செய்யவேண்டி இருந்ததால் மரபு வழி சாதி வழி பிரிவுகள் ஏற்பட்டுவிட்டது
செல்வம் பிரதானமானால் யாரும் எந்த தொழிலையும் செய்யலாம்
நிதி திரட்டவேண்டுமெனில் செயல்பட வேண்டும், அந்த செயலும் சிறப்பாக இருக்க வேண்டும், உங்களுக்கு தொல்லை இல்லாத செயலாக (கர்மா), எந்த மனிதனுக்கும் துன்பம் தராத செயலாக இருக்க வேண்டும்
பயிரை அறுத்தாலும், ஆடை அறுத்தாலும் ஒன்றுதான், இரண்டுமே விவசாய பண்ணையிலிருந்துதான் வருகிறது
நிதி கட்டாயம் தேவையெனில் செயல்படுவோம்(தொழில்), நாலு பேருக்கு உதவும் தொழில், செயல் புரிந்துவிட்டால் துன்பமில்லா வாழ்வு
ஆன்மிகம் என்றால் கொண்டாட்டம், சுதந்திரத்தின் உச்சம், முழு விழிப்பு நிலையில் வாழ்வது
சாதிக்கு அப்பாற்பட்டது ஆன்மிகம், கடவுளுக்கு எந்த மதமும் இல்லை
யேசுநாதர் பிறப்பால் யூதர், வாழ்ந்தது மனிதனாய்
சாப்பிடும் சாப்பாட்டில் சைவம், அசைவம் இல்லவே இல்லை
முடி வெட்டுதல், அடுத்தவங்க துணி துவைப்பது, காலை பிடித்து விடுவது, மலம் போகும் இடத்தின் அடைப்பை எடுப்பது புனிதமான தொழில்
செயல்கள் செய்யும்போது நஷ்டமில்லாமால் நேர்த்தியாக செய்ய வேண்டும்
பதினாறு செல்வங்களோடு வாழ்பவன் வையத்துள் வாழ்வாங்கு வாழ்பவன், பதினாறு செல்வம் பெற்ற யாரும் தெய்வம்தான்
கல்வியை தேடி போனால் நட்பு வரும், நட்பு வந்தால் வளமை வந்துவிடும், வளமையானால் இளமை வந்துவிடும், இளமையானால் வயது வந்துவிடும், வயது வந்தால் பக்தி வந்துவிடும், பக்தி வந்தால் உடல் ஆரோக்கியம், சலியாதமனம் மற்றும் மற்ற செல்வங்கள் அனைத்தும் வந்துவிடும்
பதினாறு செல்வங்களை பெற முதலில் கல்வி வேண்டும் அந்த கல்வியை தர சிவயோகி வேண்டும்
ஒரு நல்ல குரு கல்வி தருகிறார் அதனை அடையும் சீடன் பதினாறு பேறும் பெற்றிடுவான், பதினாறும் பெற்றால் தெய்வம் ஆகலாம்
நீதான் மூலதனம், உன்னிலிருந்தே தொடங்கு
வேலை இல்லாமல் கஷ்டப்படும்போதுதான் வேலையோட அருமை தெரியும், எல்லாமே வேலை என்று புரியும்
வாழ்க்கை என்பது மற்றவருக்கு காட்டுவது இல்லை, பரஸ்பரம் அன்பாக, ஒருவரை ஒருவர் புரிந்து கொண்டு வாழ்வது
வாழ்க்கை மனிதனுக்கு மட்டும்தான் விலங்குகளுக்கு இல்லை, நன்றாக சாப்பிட்டு, கணவன் மனைவியாக, நல்ல குழந்தை பெற்று படிக்கவைத்து சீரும் சிறப்புமாய், பேறும் புகழுமாய் வாழவேண்டும்
ஒருவரை ஒருவர் விட்டுக்கொடுத்து வாழவேண்டாம், புரிந்து கொண்டு வாழுங்கள், எந்த காரணத்தைக் கொண்டும் உங்களை விட்டுவிடாதீர்கள், துணையையும் விட்டுவிடாதீர்கள்
உங்களை துன்பப்படுத்துவதற்காக ஒரு உறவை(துணையை) கடவுள் ஏற்படுத்தி தரவில்லை, நீங்கள் துன்பப்படுவதற்காக ஒரு உறவை வைத்திருக்கிறீர்கள்
ஆணாக இருந்தாலும்சரி பெண்ணாக இருந்தாலும்சரி வாழ வேண்டியது அவர்களோட வேலை, வாழ கற்றுக்கொள்ளுங்கள்
யாருமே அவர்களாக மாறவேண்டுமே தவிர நீங்கள் மாற்ற முடியாது
நல்ல கணவனாக இருக்க வேண்டும் என்ற எண்ணம் கணவனுக்கும், நல்ல மனைவியாக இருக்க வேண்டும் என்ற எண்ணம் மனைவிக்கும் இரண்டு பேருக்குமே பரஸ்பரம் இருக்க வேண்டும்
நீ தூங்குவதில், நீ எழுந்திருப்பதில், நீ சாப்பிடுவதில், நீ செயல்படுவதில் யாருக்காகவும் சமரசம் ஆகாதே
சிறப்பான வாழ்வு என்பது என் தேவைகளை நிறைவேற்றிக்கொள்வது, மேலும் என்னால் நாலு பேரின் தேவைகளை நிறைவேற்றுவது, வாழ்தல் என்பது பதினாறு செல்வங்களை பெறுவதாகவும் அதுவே உன் இலக்காகவும் இருக்க வேண்டும்
கல்வியிலிருந்து வாழ்வை பெறலாம், நன்றாக வாழ்ந்தும் கல்வியை பெறலாம், அந்த காலத்தில் முதலில் கல்வியை கொடுத்தார்கள்
பதினாறு பேறுகளில் கல்வியிலிருந்து தொடங்கி துன்பமில்லா வாழ்க்கை வரை பெறலாம் அல்லது துன்பமில்லா வாழ்க்கையிலிருந்து கல்வி வரை பெறலாம்
முயற்சி செய்தேன் கிடைக்கவில்லை என்று சொல்லாதீர்கள், உங்கள் முயற்சி போதுமானதாக இல்லை என புரிந்துகொள்ளுங்கள்
நீங்கள் கொடுத்தாலொழிய உங்கள் வாழ்க்கையை உங்களிடமிருந்து யாரும் பிடுங்கிக்கொள்ள முடியாது
காலம் மட்டுமே நில்லாது ஓடிக்கொண்டே இருக்கிறது, கவனமாக இரு, காலத்திலேயே பதினாறு பேறு அடைந்துவிடவேண்டும்
இளமையிலும் கற்க முடியும், முதுமையிலும் கற்க முடியும், எங்கிருந்து வந்தேன்? எங்கு போகப்போகிறேன்? ஏன் பிறந்தேன்? ஏன் இருக்கிறேன்? ஏன் வாழ்கிறேன்? ஏன் சாகப்போகிறேன்? எப்படி சாகனும்? என்ற இந்த அடிப்படைகளை தெரிந்து கொள்ளாமல் வாழ்வது வாழ்க்கையா?
ஏன் பிறந்தேன்? ஏன் இருக்கிறேன்? ஏன் சாகப்போகிறேன்? இந்த மூன்று கேள்விகளுக்கான பதிலே ஞானம்
எப்படியெல்லாம் இருக்கலாம் என்பதற்காகவே இந்த பதினாறு பேறு, பதினாறு பேறு பெற்றால் சரியாக சாவீர்கள், சமாதி சாதிக்கலாம், தெய்வமாக இருக்கலாம்
தமிழ்க்கூறும் நல்லுலகில் பதினாறு பேறுகளை பெருமைக்குரியதாக வகுத்து வைத்து இருக்கிறார்கள், எந்த விஞ்ஞானமும் எட்டாத இடத்தில் தமிழ் மக்கள் வாழ்ந்துவிட்டு போயிருக்கிறார்கள், இந்த இடத்தில் நான் பிறந்ததிற்கு பெருமைபட்டுக்கொள்கிறேன்.
கடவுள் ஒன்றுதான், ஒன்று அவன்தானே என்று கூறும் நூலை பத்தாவது இடத்தில் வைத்து இருக்கிறார்கள், உண்மையை எங்கும் மறைத்து வைக்க முடியாது, உண்மை எப்போதும் இருந்துகொண்டுதான் இருக்கிறது,
திரும்பவும் சொல்கிறேன் இங்கு நீதான் விஷேசம், உன்னைவிட ஒரு விஷேசத்தை வெளியில் தேடாதே, உண்மையை உள்ளே வைத்துக்கொண்டு வெளியில் தேடுவது அபத்தம் பைத்தியக்காரத்தனம், உன்னை உனக்கு சொல்லிக்கொடுப்பவரே குரு
பதினாறு பேறும் உன்னுடையது, இங்கு நீதான் பெறவேண்டும், யாரும் எடுத்துவந்து கொடுக்கமாட்டார்கள், கேட்டால்தான் பெறுவாய்., முடிந்தளவுக்கு பதினாறு செல்வங்களை சீக்கிரமாக பெறுங்கள், விரைவில் அடையப்பாருங்கள்.